Туласи Арати
Шри Туласи Пранама
Кэшава Бурханд маш эрхэм байдаг Шримати Туласи Дэви, Вриндад би бишрэл хүндэтгэлээ ахин дахин өргөмүй. Ай охин тэнгэр минь, та Кришна Бурханы чин бишрэлийн үйлчлэлийг хайрлан хүртээж, хамгийн дээд үнэнийг эзэмшдэг билээ.
(1)
Ай Туласи минь, Кришнад эрхэм байдаг таны өмнө би ахин дахин сөгдөн мөргөюү. Шри Шри Радха Кришнагийн үйлчлэлд хүрэх нь миний хүсэл билээ.
(2)
Таны нөмөр нөөлгөнд багтсан хэний ч хүсэл биелдэг билээ. Та түүнд өршөөл нигүүлслээ хайрлаж, түүний Вриндаваны оршин суугч болгодог.
(3)
Шри Вриндавана дхамын цэнгэлийн төгөлд оршин суух боломжийг надад хайрлахыг танаас би хүсэж байна. Тэгвээс би Радха Кришнагийн гайхалтай сайхан зугаа наадмыг үргэлж харах боломжтой болно.
(4)
Вражийн үхэрчин охидын дагалдагч болгож өгөхийг би танаас гуйж байна. Надад чин бишрэлээр үйлчлэх боломж олгож, намайг та өөрийнхөө албат болгож хайрлаач.
(5)
"Шри Радха Говиндагийн хайранд үргэлж умбаж байх болтугай, би." хэмээн Дина Кришнадаса залбирдаг.
Шри Туласи Прадакшина мантра
Шримати Туласи Дэвиг тойрч алхсанаар хийсэн нүгэл бүр, брахмана хүнийг хөнөөсөн нүгэл хүртэл алхам бүрд устаж байдаг.